بیړني خدمتونه ۹۹۹
هیله ده چې یوازې د بیړنیو حالتونو په هکله د راپور ورکولو له پاره ۹۹۹ وکاروﺉ. کله باید ۹۹۹ وکاروﺉ:
- ۹۹۹ ته یوازې هغه وخت ټیلیفون وکړﺉ چې که
- حمله کوونکي له تاسو سره نژدې وي،
- ژوند له خطر سره مخامخ وي،
- ټپونه رامنځته شوي وي یا یې ګواښ شوی وي،
- جرم یا بې نظمي روانه وي،
- یړني حالتونه.
د دې له پاره چې د ورځنیو پوښتنو او د پولیس له محلي ماموریت سره تماس ونیسئ د
08450454545 نمبر ته ټیلیفون وکړﺉ.
غیربیړني خدمتونه
101 (یوازنی نه بیړنی نمبر)
101 یو ۲۴ساعته نمبر دی چې د هامپشایر د پولیسو له خوا برابر شوی دی. که چېرې پېښه بیړنۍ نه وي، دغه نمبر وکاروﺉ، د مثال په توګه:
- وحشیتوب، پر دېوالونو لیکونه کول او د جایداد نور قصدي تخریب
- د شور اړوند مسایل
- وېرول او زورول
- ممنوع عرادې
- په کوڅو کې ګند او چټلي
- په عامه ځایونو کې د خلکو نشه توب او چیغې او سورې
- د نشه ییزو توکو اړوند اجتماع ضد چلند
- د کوڅو د روښنایۍ په برخه کې ستونزې
د 101 خدمت یوازې د نه بیړنیو ستونزو له پاره دی. که تاسو کومه بیړنۍ ستونزه لرﺉ تاسو باید همېشه ۹۹۹ نومره دایره کړﺉ.
د ساوت امپټون د ښار شورا
عمومي سویچ بورډ 02380223855
د سهار د 8:30 او د مازدیګر د 17:00 بجو ترمنځ د اونۍ پر ورځو (د مازدیګر تر 16:30 بجو د جمعې پر ورځو)، د اونیزې رخصتۍ او عمومي رخصتۍ پر ورځو. په بیړنیو حالتونو کې له یادو شویو ساعتونو څخه پرته په نورو وختونو کې 02380233344 نومره ډایل کړﺉ.
تاسو کولی شﺉ چې د ټولنې د پاملرنې خدمتونو، د کوچنیانو د خدمتونو او زده کړې، ټولنیزې پاملرنې، د لویو لارو او چاپېریال د روغتیا، ونو، او همدارنګه د شورا په کورونو کې د بیړني کار له پاره د اړیکې نیولو له پاره دغه نومره وکاروﺉ.
ایکشن لاین 08005191919
د سهار 8:30 – د مازدیګر 17:00 بجې، دوشنبه تر جمعه.
په لاندې برخو کې د ستونزو یا پوښتنو په هکله مونږ ته د ویلو له پاره د ایکشن لاین وړیا خدمتونه وکاروﺉ:
ممنوع عرادې، د بس ویجاړ شوي یا خراب شوي تمځایونه، د سپیو ګندګي/نه کنټرول، پر دېوالونو کرښې اېستل، کندې، د بیاکارولو له پاره د اضافی موادو برابرول، د بې کاره موادو ټولونې، د کوڅې روښنایي، ونې، نه خوندي سرکونه او پلې لارې. د ساوت امپټون د شورا د کورونو کرایه اخیستونکي همدارنګه کولی شي چې د خپلو کورونو د ترمیم یا د اپارتمانونو بلاکونو ته د شریکو دروازو د ترمیماتو په هکله د راپور ورکولو له پاره ایکشن لاین وکاروي.
د هامپشایر اور او نجات
د هامپشایر د اور او نجات اداره په دې هکله ملاتړ او مشوره وړاندې کوي چې څنګه ډاډمنه کړي چې ستاسو کور خوندي او د اور له خطر څخه خلاص دی. هغوی په وړیا توګه د «کور د خوندیتوب کتنې» وړاندې کوي. د نورو معلوماتو له پاره کلیک کړﺉ:
د هامپشایر پولیس
www.hampshire.police.uk/internet
جنوبي مرکزي د امبولانس خدمت
که ټپ یا ناروغي ډېر جدي یا ژوند ګواښوونکی وي، د ۹۹۹ نمبر ته د یوه امبولانس د غوښتنې له پاره ټیلیفون وکړﺉ. د نورو معلوماتو له پاره کلیک کړﺉ: